https://www.kurs.kz/ - Курсы валют в обменных пунктах г. Алматы и других городах Казахстана
 


 


Найти
 
 


Пашынян мае намер пайсці ў адстаўку ў апошняй дэкадзе красавіка


Прэм`ер-міністр Арменіі Нікол Пашынян у час урадавай гадзіны ў заканадаўчым органе краіны заявіў, што пойдзе ў адстаўку на працягу апошніх 10 дзён красавіка, каб распусціць парламент і назначыць пазачарговыя парламенцкія выбары.
"Я падам у адстаўку на працягу апошніх 10 дзён красавіка згодна з дамоўленасцю паміж парламенцкімі сіламі і прэзідэнтам рэспублікі. Для захавання ўсіх пратакольных мерапрыемстваў на сёмы дзень я вылучу сваю кандыдатуру на пасаду прэм`ера, астатнія фракцыі не вылучаць кандыдатуры, а фракцыя "Мой крок" не выбера мяне прэм`ерам. Другі раз фракцыя зноў вылучыць маю кандыдатуру і зноў не выбера. Парламент распусціцца, і 20 чэрвеня будуць выбары", - сказаў Нікол Пашынян.

Прэм`ер-міністр Арменіі таксама падкрэсліў, калі апазіцыйныя фракцыі вылучаць кандыдатаў, кіруючая фракцыя "Мой крок" выбера яго прэм`ерам. "Гэта будзе палітычным самазабойствам. У такім выпадку "Мой крок" выбера мяне на пасаду прэм`ера і пытанне будзе закрыта", - дадаў Нікол Пашынян.

Пасля палітычных кансультацый з прэзідэнтам рэспублікі Арменам Саркісянам і лідарамі трох парламенцкіх фракцый Нікол Пашынян заявіў, што пазачарговыя парламенцкія выбары пройдуць 20 чэрвеня.

Палітычныя эксперты лічаць асноўным канкурэнтам блока прэм`ер-міністра Арменіі другога прэзідэнта Роберта Качарана, які, нягледзячы на беспартыйнасць, будзе ўдзельнічаць на выбарах на чале блока партый.

14 красавіка 2021, Мінск
БЕЛТА
 
Дата публикации:14.04.2021
Тематика:Новости, ЕАЭС
Просмотров:116
 
Ключевые слова:
Армения Никол Пашинян Парламент
 
 


Комментарии



 



Другие новости по этой теме