https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Галоўчанка прапанаваў стварыць адзіную экасістэму IT-прадуктаў ЕАЭС


На думку беларускага прэм’ера, гэты крок дасць магчымасць скараціць лічбавы разрыў паміж дзяржавамі ЕАЭС.
Беларускі прэм’ер-міністр Раман Галоўчанка падчас выступлення на пленарным пасяджэнні з удзелам кіраўнікоў урадаў Еўразійскага эканамічнага саюза (ЕАЭС) у Алма-Аце прапанаваў удзельнікам аб’яднання сфармаваць на аснове рэестра еўразійскага праграмнага забеспячэння адзіную экасістэму IT-прадуктаў.

"Вялікі патэнцыял для развіцця лічбавых тэхналогій на нашай прасторы мае рэестр еўразійскага праграмнага забеспячэння. Уключэнне ў яго забяспечвае прэферэнцыі распрацоўшчыкам ПЗ з усіх краін ЕАЭС у рамках дзяржаўных закупак, напрыклад у Расійскай Федэрацыі", - сказаў ён.

Кіраўнік Саўміна Беларусі адзначыў, што ёсць прапанова сумесна сфарміраваць механізмы, якія дадуць магчымасць пашырыць гэты напрамак да рэгіянальнай экасістэмы IT-прадуктаў. Гэта будзе садзейнічаць краінам-удзельнікам ЕАЭС у выкарыстанні створанага на тэрыторыі саюза ПЗ.

Галоўчанка падкрэсліў, што гэтае праграмнае забеспячэнне можна будзе выкарыстоўваць на ўзаемавыгадных умовах, каб скараціць лічбавы разрыў паміж дзяржавамі ЕАЭС.

Па словах прэм’ера, геапалітычныя выклікі паказалі, што нельга будаваць эканоміку, у тым ліку лічбавую, толькі на базе замежных і прапрыетарных рашэнняў.

"Неабходна распрацоўваць уласнае нацыянальнае праграмнае забеспячэнне, якое адпавядае нашым мэтам і якое базуецца на ўласных тэхналогіях з шырокім выкарыстаннем адкрытага зыходнага кода", - сказаў прэм’ер.

Ён прапанаваў замясціць імпарт у гэтай сферы ў маштабах ЕАЭС. Галоўчанка лічыць, што для гэтага ўжо створаны неабходныя ўмовы.

Мінск, 2 лютага 2024
Sputnik
 
Дата публикации:02.02.2024
Тематика:Бизнес, ЕАЭС
Просмотров:171
 
Ключевые слова:
Цифровизация Сотрудничество ЕАЭС Алматы Евразийский межправительственный совет Программное обеспечение Импортозамещение
 
 


Комментарии



 



Другие новости по этой теме