https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Цырымонія ўскладання вянкоў у гонар Дня Незалежнасці Беларусі прайшла ў Маскве каля Вечнага агню


Цырымонія ўскладання вянкоў у гонар Дня Незалежнасці Беларусі і 78-й гадавіны вызвалення краіны ад нямецка-фашысцкіх захопнікаў адбылася 27-га чэрвеня ў Маскве каля Магілы Невядомага Салдата каля Крамлёўскай сцяны.
Вянкі да Вечнага агню былі ўскладзены ад пасольства Беларусі ў Расіі і ад пастаяннага камітэта Саюзнай дзяржавы. Ва ўрачыстай цырымоніі прынялі ўдзел Надзвычайны і Паўнамоцны Пасол Беларусі ў Расіі Уладзімір Сямашка, дзяржаўны сакратар Саюзнай дзяржавы Дзмітрый Мезенцаў, старшыня Калегіі Еўразійскай эканамічнай камісіі Міхаіл Мясніковіч, віцэ-спікер Савета Федэрацыі Федэральнага сходу РФ Юрый Вараб`ёў, адказны сакратар Парламенцкага сходу Саюза Беларусі і Расіі Сяргей Стрэльчанка, прадстаўнікі інтэграцыйных структур, а таксама беларускай дыяспары і дыпламаты.

Удзельнікі цырымоніі ўсклалі таксама кветкі да памятных знакаў "Горад-герой Мінск" і "Брэсцкая крэпасць-герой", устаноўленым на алеіі гарадоў-герояў у Аляксандраўскім садзе. Цырымонія завяршылася ўрачыстым маршам роты ганаровай варты пад гукі ваеннага аркестра.

"Для Беларусі Дзень вызвалення - святое свята, - сказаў журналістам пасля цырымоніі Уладзімір Сямашка. - 3 ліпеня 1944 года ў выніку выдатнай аперацыі "Баграціён" быў вызвалены Мінск, і з таго часу гэта дата для нас знамянальная. А ў далейшым мы ў гэты дзень зацвердзілі наша галоўнае свята - Дзень Незалежнасці Беларусі. Таму што менавіта ў Вялікую Айчынную вайну вырашалася пытанне аб тым, ці быць Беларусі".

27 чэрвеня 2022, Масква
Эдуард Півавар - БЕЛТА
 
Дата публикации:27.06.2022
Тематика:Культура, Союзное государство
Просмотров:852
 
Ключевые слова:
Великая Отечественная война День Независимости
 
 


Комментарии



 



Другие новости по этой теме