https://www.kurs.kz/ - Курсы валют в обменных пунктах г. Алматы и других городах Казахстана
 


 




Найти
 
 


У Бангладэш зацікаўлены ў медыцынскіх стартапах рэзідэнтаў ПВТ


Пра гэта паведамляе сайт ПВТ.
Бангладэш зацікаўлены ў медыцынскіх стартапах рэзідэнтаў Парка высокіх тэхналогій. Аб гэтым ішла размова на сустрэчы кіраўніцтва парка з дэлегацыяй Міністэрства аховы здароўя і дабрабыту сям`і Народнай Рэспублікі Бангладэш на чале з кіраўніком генеральнага дырэктарата па кантролі над лекавымі прэпаратамі Махамедам Махбубурам Рахманам, 

"Вялікі інтарэс у замежнай дэлегацыі выклікалі тэхналагічныя стартапы ў галіне тэлемедыцыны, а таксама медыцынскія рашэнні на аснове штучнага інтэлекту ад беларускіх распрацоўшчыкаў", - гаворыцца ў паведамленні.

Намеснік дырэктара Парка высокіх тэхналогій Кірыл Залескі адзначыў значныя дасягненні беларускіх кампаній у гэтай сферы: "У ПВТ сфармаваўся кластар медыцынскіх стартапаў з самымі рознымі прадуктамі - ад мабільных дадаткаў для здароўя да аўтаматызаваных медыцынскіх і лабараторных сістэм. Сёння мы бачым, што будучыня медыцыны цесна звязана з кааперацыяй урачоў і праграмістаў. Штучны інтэлект аказвае істотную дапамогу ў дыягностыцы, дае магчымасць зрабіць падагульняючае заключэнне па тых ці іншых захворваннях больш хуткім і дакладным".

Прадстаўнікі рэзідэнтаў ПВТ "Веды і Здароўе", "АртБіяТэх", "Альгімед Тэхна" расказалі гасцям з Бангладэш аб сваіх распрацоўках у галіне аўтаматызаваных інфармацыйных сістэм для патрэб аховы здароўя, тэлемедыцыны, а таксама прадэманстравалі прадукцыю, якая дае магчымасць у кароткія тэрміны ажыццяўляць першасную дыягностыку захворванняў, у тым ліку COVID-19.

"Бангладэш - краіна з вялікім насельніцтвам. Многія людзі жывуць у цяжкадаступных рэгіёнах, што ўскладняе аказанне своечасовай медыцынскай дапамогі. Акрамя таго, краіна сутыкнулася з вострай няхваткай урачоў, асабліва ў перыяд пандэміі. Дзяржава бачыць рашэнне праблемы ва ўкараненні найноўшых тэхналогій у галіне мабільнай медыцыны. Многае з таго, што нам было прадэманстравана, выдатна падыдзе для Бангладэш", - адзначыў кіраўнік дэлегацыі Міністэрства аховы здароўя Бангладэш Махамед Рахман.

Паводле яго слоў, магчымасць прымяняць мабільныя лабараторыі для хуткага дыягнаставання хвароб, а таксама ажыццяўляць аддалены маніторынг і дапамогу пацыентам, безумоўна, дасць магчымасць знізіць існуючую нагрузку на сістэму аховы здароўя краіны. "Мы бачым добрыя перспектывы для ўзаемавыгаднага супрацоўніцтва з беларускімі кампаніямі", - падвёў вынікі сустрэчы Махамед Рахман.

21 студзеня 2022, Мінск
БЕЛТА
 
Дата публикации:21.01.2022
Тематика:Бизнес, Парк высоких технологий
Просмотров:70
 
Ключевые слова:
Искусственный интеллект Бангладеш Технологии Медицина Диагностика
 
 


Комментарии



 



Другие новости по этой теме