https://www.kurs.kz/ - Курсы валют в обменных пунктах г. Алматы и других городах Казахстана
 


 






Найти
 
 


Аляксандр Лукашэнка аб рэканструкцыі "Хатыні": усё павінна быць надзейна, для людзей


Прэзідэнт Беларусі Аляксандр Лукашэнка азнаёміўся з будаўніцтвам музея ў дзяржаўным мемарыяльным комплексе "Хатынь".
"Вясной мы прынялі рашэнне аб тым, што "Хатынь" прывядзём у парадак. Дрэнна, што вы мне не прапанавалі раней гэта зрабіць. Але калі не прапанавалі, давядзецца штурмам браць. Але я бачу, што калі размеркавалі гэтыя аб`екты, то мы цалкам паспеем. Галоўнае, каб музей паспелі", - сказаў Аляксандр Лукашэнка.

Кіраўнік дзяржавы азнаёміўся з ходам капітальнага рамонту мемарыяльнага комплексу. "Усё павінна быць надзейна, для людзей", - падкрэсліў Прэзідэнт.

Асаблівую ўвагу ён таксама звярнуў на прывядзенне ў парадак прылеглых тэрыторый і дарогі. "Праехаць можна, але трэба дашліфаваць", - адзначыў беларускі лідар.

Пры гэтым Аляксандр Лукашэнка даручыў садзейнічаць грамадзянам, якія хочуць унесці свой уклад у акультурванне мемарыяльнага комплексу. Можа, сказаў ён, нехта захоча пасадзіць сваё дрэва або куст. "Трэба ачалавечваць гэту тэрыторыю, каб кожны меў дачыненне", - перакананы кіраўнік дзяржавы.

На яго думку, важна захаваць першапачатковы выгляд мемарыяльнага комплексу: можна, вядома, зрабіць еўрарамонт, але гэта будзе лішнім. На гэтым месцы была вёска, таму і цяпер усё павінна быць проста і душэўна, падкрэсліў Прэзідэнт.

На тэрыторыі комплексу таксама аднаўляюць старадаўнюю вясковую царкву. Яе ўзнаўляюць па захаваных апісаннях. Праўда, стаяць храм будзе ўжо ў іншым месцы. Там, дзе ён быў спачатку, знаходзяцца старадаўнія могілкі, і варушыць магілы палічылі няправільным.

Прэзідэнт усклаў кветкі да манумента "Няскораны чалавек" і Вечнага агню ля мемарыяла "Могілкі вёсак". Тут цяпер таксама ідзе рэканструкцыя. "Дзякуй вам. Дзякуй, што добрую справу робіце", - выказаў удзячнасць будаўнікам, якія тут працуюць, кіраўнік дзяржавы.

Аляксандр Лукашэнка 16 красавіка ў час наведвання "Хатыні" даручыў да 80-годдзя трагедыі пабудаваць тут музей і правесці ўсе неабходныя рэстаўрацыйныя работы. "Значыць, у будучым годзе 80 гадоў. Усё вылізаць ад Мінска да "Хатыні", пачынаючы ад дарог. Усе будоўлі трэба завяршыць да гэтага часу", - сказаў Прэзідэнт.

Як тады дакладваў кіраўніку дзяржавы дырэктар "Хатыні" Артур Зельскі, у мемарыяльным комплексе плануецца капітальны рамонт з мадэрнізацыяй і элементамі рэстаўрацыі. Першая чарга будаўніцтва запланавана на 2022 год. Яна ўключае ачыстку скульптуры "Няскораны чалавек", рамонт п`едэстала, манумента "Дах гумна" і мемарыяла "Вянок памяці", добраўпарадкаванне прылеглай тэрыторыі.

У час другой чаргі будаўніцтва прадугледжваецца адрамантаваць мемарыялы "Могілкі вёсак" і "Дрэва жыцця", бетонныя агароджы пахаванняў, урны з зямлёй. Работы таксама запланаваны на 2022 год. Трэцяя чарга прадугледжвае рамонт падсвечвання цэнтральнай дарожкі і гукавога афармлення мемарыяла.

На работы будзе выдзелена Br5,1 млн. Крыніца фінансавання - абласны бюджэт і сродкі рэспубліканскага суботніка.

На тэрыторыі таксама будуецца музей "Кожны трэці". Гэта будзе аднапавярховы будынак плошчай 1 тыс. кв.м. Прадугледжваецца, што экспазіцыя размесціцца ў шасці залах з кругавым рухам.

"Я разумею, што пабудаваць мы зможам. Але будзем акуратна аснашчаць яго. Мы павінны да гэтага юбілею зрабіць усё, - падкрэсліў Аляксандр Лукашэнка. - Неадкладна пачынайце будаваць музей. Галоўнае - экспазіцыя, якая там будзе. Каб людзі прыйшлі і, перш чым сюды ступіць нагой, каб у іх сэрца ўжо рвала".

23 верасня 2022, Лагойскі раён
БЕЛТА
 
Дата публикации:23.09.2022
Тематика:Культура, Беларусь
Просмотров:621
 
Ключевые слова:
Музеи Беларуси Хатынь Год исторической памяти
 
 


Комментарии



 



Другие новости по этой теме