https://www.kurs.kz/ - Курсы валют в обменных пунктах г. Алматы и других городах Казахстана
 


 





Найти
 
 


Больш за 50 працэнтаў энергакрыніц у Беларусі працуюць на мясцовых відах паліва


Аб гэтым расказаў намеснік старшыні Дзяржстандарту - дырэктар Дэпартамента па энергаэфектыўнасці Віталь Крэцкі.
Віталь Крэцкі адзначыў, што з 10,5 тыс. энергакрыніц у Беларусі больш як 50 працэнтаў працуюць на мясцовых відах паліва, а ў сістэме ЖКГ - больш за 70 працэнтаў.

"У нас у краіне ёсць асобныя тэрытарыяльныя адзінкі, якія ў долі мясцовых энергарэсурсаў дасягаюць больш за 90 працэнтаў. Сярод іх Глускі, Расонскі, Бешанковіцкі і Старадарожскі. З доляй мясцовых энергарэсурсаў звыш 70 працэнтаў у нас 45 раёнаў", - сказаў намеснік старшыні Дзяржстандарту - дырэктар Дэпартамента па энергаэфектыўнасці.

Акрамя таго, што ў краіне замяшчаюцца імпартуемыя віды паліва, будаўніцтва энергакрыніц на мясцовых відах садзейнічае і змяншэнню сабекошту вырабляемай цеплаэнергіі. Так, на аб`ектах, якія былі ўведзены ў эксплуатацыю ў 2023 годзе, сабекошт выпрацоўваемай цеплаэнергіі на 20 працэнтаў ніжэйшы.

"Самы выгадны паказчык на энергакрыніцах, якія працуюць на торфе - каля Br93-99 за 1 ГКАЛ. На другім месцы - шчэпкі. Таксама вялікая ўвага ў краіне ўдзяляеца прыцягненню ў баланс драўняных паліўных гранул. Створана шмат вытворчасцей пелет. У гэтага віду паліва ёсць пэўныя перавагі, перш за ўсё - гэта экалагічнасць, зручнасць захоўвання і транспартоўкі", - падкрэсліў Віталь Крэцкі.

Паводле яго слоў, асабліва эфектыўна выкарыстоўваць гэты від паліва на невялікіх энергакрыніцах (да 500 кВт) перш за ўсё за кошт аўтаматызацыі і меншай колькасці абслуговага персаналу. Акрамя таго, гэты від паліва будзе актуальны для насельніцтва ў тых раёнах, дзе адсутнічаюць перспектывы газазабеспячэння або падводу электрасеткавай інфраструктуры. Калі параўноўваць з пячным ацяпленнем, якое працуе на дровах, то адна тона пелет сёння дазволіць замясціць 1,6 т куб.м дроў.

16 красавіка 2024, Мінск
БЕЛТА
 
Дата публикации:16.04.2024
Тематика:Бизнес, Беларусь
Просмотров:141
 
Ключевые слова:
Энергетика Топливо
 
 


Комментарии



 



Другие новости по этой теме