https://www.kurs.kz/ - Курсы валют в обменных пунктах г. Алматы и других городах Казахстана
 


 






Найти
 
 


Да 1 жніўня 2024 года не павінна быць ніякай запазычанасці перад сялянамі па разліках за мяса і малако


Такую задачу паставіў Прэзідэнт Беларусі Аляксандр Лукашэнка 14 чэрвеня на нарадзе з кіраўніцтвам Савета Міністраў.
Аляксандр Лукашэнка запатрабаваў удзяляць больш увагі развіццю па краіне сеткі аграсэрвісаў, якую ў часы рыначнай эканомікі спрабавалі разбурыць.

"Прыйшоў рынак, усё гэта вырашылі разбурыць. Я сказаў не, гэта павінна працаваць. І сёння гэта патрэбна", - сказаў кіраўнік дзяржавы. Ён лічыць, што на базе арганізацый аграсэрвісу трэба развіваць сэрвісныя цэнтры буйных беларускіх прадпрыемстваў.

"За мяжой мы карачымся, ствараем сэрвісныя цэнтры. Без сэрвісу, без абслугоўвання тэхнікі ў цябе ніхто яе не купіць за мяжой. А чаму ў сваёй краіне мы не можам карыстацца імі? - спытаў кіраўнік дзяржавы. - Каб яны аказвалі паслугі на месцы, каб бандыты і жулікі, пасрэднікі вам не прывозілі нейкія запчасткі".

Аналагічная сітуацыя, паводле слоў Прэзідэнта, і з перасовачнымі механізаванымі калонамі, якія былі шырока распаўсюджаны ў савецкія часы і патэнцыял якіх трэба захаваць і развіваць, асабліва на ўзроўні раёнаў. "Аднавіце іх. У нас 200 тыс. га трэба аднаўляць па меліярацыі. Хто будзе гэта рабіць? Гэтыя МПМК (міжраённыя перасовачныя механізаваныя калоны.)", - растлумачыў Аляксандр Лукашэнка. Акрамя выканання цэлага комплексу работ - ад дапамогі насельніцтву па рамонце сельгасінвентару да больш глабальных задач па меліярацыі - развіццё ПМК дае таксама і дадатковыя працоўныя месцы, магчымасць працаўладкавання ў вёсцы.

У прадаўжэнне размовы пра аграрную галіну Прэзідэнт папярэдзіў адказных асоб аб неабходнасці своечасовых разлікаў з сялянамі і сельгасарганізацыямі за пастаўляемую прадукцыю. "Папярэджваю вас: перад сялянамі, калгасамі, саўгасамі не павінна быць на 1 жніўня ніякай запазычанасці ні па малаку, ні па мясе. У жулікаў забірайце грошы, якія раскралі, і аддайце сялянам за пастаўленую прадукцыю", - падкрэсліў Аляксандр Лукашэнка.

14 чэрвеня 2024, Мінск
БЕЛТА
 
Дата публикации:14.06.2024
Тематика:Бизнес, Беларусь
Просмотров:93
 
Ключевые слова:
Сельское хозяйство Агросервис
 
 


Комментарии



 



Другие новости по этой теме