https://www.kurs.kz/ - Курсы валют в обменных пунктах г. Алматы и других городах Казахстана
 


 






Найти
 
 


ГУБАЗіК: пры ператрусе ў абвінавачанай у карупцыі службовай асобы БЧ канфіскавалі больш за $3 млн


Галоўнае ўпраўленне па барацьбе з арганізаванай злачыннасцю і карупцыяй Міністэрства ўнутраных спраў правяло комплекс аператыўна-вышуковых мерапрыемстваў на Беларускай чыгунцы. Аб гэтым паведамілі ў ГУБАЗіК МУС.
У выніку праведзенай работы была выкрыта карупцыйная схема, якую стварыў і курыраваў адзін з кіраўнікоў БЧ. Супрацоўнікі ГУБАЗіК выявілі факты сістэмнага хабарніцтва з боку аднаго з кіраўнікоў Беларускай чыгункі пры лабіраванні інтарэсаў камерцыйных структур, якія ажыццяўляюць дзейнасць у сферы грузаперавозак.

У прыватнасці, былі зафіксаваны карупцыйныя ўзаемаадносіны службовай асобы з прадстаўнікамі адной з буйных беларускіх камерцыйных кампаній, якія забяспечваюць перавозкі грузаў па тэрыторыі нашай краіны, а таксама блізкага і далёкага замежжа.

Устаноўлена, што службовая асоба толькі ў выніку некалькіх сустрэч атрымала ад прадстаўніка камерцыйнай структуры грашовыя сродкі ў выглядзе хабараў на агульную суму больш як $300 тыс. Пры правядзенні следчых дзеянняў у тайніках кватэры і загараднага дома фігуранта выяўлены і канфіскаваны грошы на агульную суму больш як $3 млн.

Следчы камітэт у адносінах да высокапастаўленай службовай асобы Беларускай чыгункі ўзбудзіў крымінальную справу па прыкметах злачынства, прадугледжанага ч.3 арт.430 (атрыманне хабару асобай, якая займае адказнае становішча, у асабліва буйным памеры) КК.

Цяпер ГУБАЗіК сумесна са следчым ведамствам праводзіць мерапрыемствы, накіраваныя на выяўленне ўсіх фактаў злачыннай дзейнасці фігуранта.

14 чэрвеня 2024, Мінск
БЕЛТА
 
Дата публикации:14.06.2024
Тематика:Бизнес, Беларусь
Просмотров:58
 
Ключевые слова:
Коррупция Беларуская чыгунка
 
 


Комментарии



 



Другие новости по этой теме