https://www.kurs.kz/ - Курсы валют в обменных пунктах г. Алматы и других городах Казахстана
 


 




Найти
 
 


Наталля Качанава падарыла школьнікам з аграгарадка Рэчкі і вёскі Бракава наборы мячоў


Гэта адбылося падчас яе паездкі ў аграгарадок Рэчкі з мэтай наведвання адной з перадавых аграгаспадарак Магілёўскага раёна ЗАТ «Агракамбінат «Зара».
Спікер верхняй палаты парламента азнаёмілася з вытворчасцю, сустрэлася з працоўным калектывам, а таксама знайшла хвілінку наведаць спартыўную залу мясцовага Дома культуры, дзе праходзіў турнір паміж школамі з вёскі Бракава і аграгарадка Рэчкі. Дзеці з задавальненнем скарысталіся магчымасцю задаць пытанні Наталлі Качанавай. Іх цікавіла, якімі дасягненнямі яна ганарыцца, якое будучае ў Беларусі, якія кніжкі яна чытае, ці верыць у цуды, як стаць сябрам Савета Рэспублікі. Высокая госця з задавальненнем адказала на ўсё, што цікавіла старшакласнікаў, і прапанавала ім больш актыўна ўдзельнічаць у грамадскім жыцці і любіць сваю краіну.

— Яна такая, якой мы самі яе стварылі, — падкрэсліла яна. — Трэба памятаць, што наша Беларусь павінна быць незалежнай і міралюбнай. Мы яе любім і вельмі ёй ганарымся. Галоўнае, яе захаваць. І ад кожнага з нас тут шмат чаго залежыць. 

Нэлі Зігуля
Звязда, 6 красавіка 2022
 
Дата публикации:06.04.2022
Тематика:Образование, Беларусь
Просмотров:287
 
Ключевые слова:
Бракава Рэчкі Магілёўшчына Патриотизм
 
 


Комментарии



 



Другие новости по этой теме