https://www.kurs.kz/ - Курсы валют в обменных пунктах г. Алматы и других городах Казахстана
 


 






Найти
 
 


Дзмітрый Мядзведзеў: Украіна з’яўляецца часткай Расіі


Намеснік старшыні Савета бяспекі адзначыў, што з-за геапалітычных прычын і гісторыі Расія доўгі час мірылася з тым, што жыве з Украінай "у розных кватэрах".
Намеснік старшыні Савета бяспекі РФ Дзмітрый Мядзведзеў заявіў, што Украіна з’яўляецца часткай Расіі.

"Скажам сумленна, Украіна – гэта частка Расіі. Але з-за геапалітычных прычын і з-за гісторыі, мы доўгі час мірыліся з тым, што мы жывём у розных кватэрах", - сказаў ён у вялікім інтэрв’ю вядучым расійскім СМІ.

Мядзведзеў таксама адзначыў, што расійскі бок вымушаны лічыцца з "выдуманымі межамі і тэрыторыямі", якія заўсёды былі часткай Расійскай імперыі, акрамя асобных абласцей, якія далучыліся ў выніку Другой сусветнай вайны.

Больш за тое, паводле слоў палітыка, усе гэтыя тэрыторыі былі населены спрадвечна рускім насельніцтвам і заўсёды былі ў складзе Расіі.

Мядзведзеў таксама падзяліўся сваімі ўражанне наконт таго, што краіны Захаду не верылі ў рашучасць Расіі пачаць ваенную спецаперацыю ва Украіне. У выніку яны пралічыліся, дадаў намеснік старшыні Савета бяспекі. Менавіта таму, паводле яго меркавання, з некаторымі краінамі, блокамі і супольнасцямі краін бессэнсоўна дамаўляцца.

"Яны разумеюць толькі мову сілы. Толькі мову сілы!" - падкрэсліў Мядзведзеў.

Дамаўляцца бессэнсоўна

Намеснік старшыні Савета бяспекі таксама адзначыў, што дамаўляцца з некаторымі краінамі ў пэўных сітуацыях бывае бессэнсоўна, бываюць нават выпадкі, калі дамоўленасці ўвогуле контрпрадуктыўныя.

"Трэба ігнараваць, а ў некаторых выпадках прымаць рашэнні тыпу таго, што было прынята 24 лютага мінулага года. Таму што дамоўленасці ў некаторых выпадках контрпрадуктыўныя", – заявіў ён.

Пры гэтым Мядзведзеў адзначыў, што Расія заўсёды спрабуе дамаўляцца.

"І партнёрства з НАТА, і прасунутае стратэгічнае партнёрства з Еўрасаюзам. Але, на жаль, усё гэта было абнулена ў адзін момант. Прычым да гэтага нас перасталі чуць увогуле", - дадаў палітык.

Уступ Украіны ў НАТА

Мядзведзеў мяркуе, што пасля ўступлення ў НАТА Украіна магла пачаць поўнамаштабную аперацыю супраць Расіі з-за Крыма, а Масква гэтага прыняць ніяк не можа.

Ён таксама заявіў, што ў выпадку ўступлення Украіны ў НАТА Расія атрымае суседа, які ўваходзіць у недружалюбны блок і збіраецца вырабляць ядзерную зброю.

Мядзведзеў нагадаў, што ўлады Украіны заявілі аб планах вырабляць ядзерную зброю незадоўга да пачатку аперацыі, гэта значыць у канцы 2021 года.

"І вы хочаце, каб мы з гэтым мірыліся? Асабліва ва ўмовах, калі ў нас ёсць спрэчка па Крыме: мы лічым гэта сваёй тэрыторыяй, яны лічаць сваёй. Вось яны ўступаюць у НАТА і пасля гэтага пад парасонам НАТА пачынаюць шырокамаштабную аперацыю супраць нашай краіны – мы гэтага прыняць не можам", - падкрэсліў палітык.

Мінск, 23 сакавіка 2023
Sputnik
 
Дата публикации:23.03.2023
Тематика:Новости, В мире
Просмотров:163
 
Ключевые слова:
Украина Спецоперация НАТО
 
 


Комментарии



 



Другие новости по этой теме