https://www.kurs.kz/ - Курсы валют в обменных пунктах г. Алматы и других городах Казахстана
 


 


Найти
 
 


Больш за 20 беларускіх прадпрыемстваў прынялі ўдзел у прамысловай выстаўцы ва Узбекістане


Аб гэтым паведамілі ў выставачным прадпрыемстве "Белінтэрэкспа" Беларускай гандлёва-прамысловай палаты.
У міжнароднай выстаўцы "ІНАПРАМ. Вялікі прамысловы тыдзень ва Узбекістане" 5-7 красавіка прынялі ўдзел 23 беларускія прадпрыемствы. Айчынныя кампаніі прадставілі прадукцыю машынабудавання, металургіі, хімічнай прамысловасці, фармацэўтычнай галіны, медыцынскае абсталяванне, а таксама навуковыя распрацоўкі і тавары народнага спажывання.

У цырымоніі адкрыцця нацыянальнай экспазіцыі Made in Belarus прынялі ўдзел намеснік прэм`ер-міністра па пытаннях інвестыцый і знешнеэканамічных сувязей - міністр інвестыцый і знешняга гандлю Узбекістана Сардор Умурзакаў, міністр прамысловасці Беларусі Пётр Пархомчык, саветнік-пасланнік пасольства Беларусі ва Узбекістане Аляксандр Салаўёў.

У рамках індустрыяльных тураў прадстаўнікі беларускіх прадпрыемстваў наведалі кампанію KRANTAS GROUP, ТАА "МАЗ-Ташкент", ТАА "Магістраль Дызель-сэрвіс", а таксама аўтарызаваны сэрвісны цэнтр "МАЗ". "Дарэчы, ТАА "МАЗ-Ташкент", даччынае прадпрыемства Мінскага аўтамабільнага завода ва Узбекістане, падпісала пагадненне аб намерах на пастаўку шасі і машынакамплектаў для зборкі машын на ўзбекскі рынак на суму $10 млн. Таксама з прыватнай узбекскай кампаніяй заключаны дагавор на пастаўку 50 адзінак тэхнікі "МАЗ" на агульную суму $3 млн. Ва Узбекістане сёння дзейнічаюць 14 дылераў і 11 аўтарызаваных сэрвісных цэнтраў "МАЗ", - расказалі ў выставачнай кампаніі.

Прамысловы тыдзень ва Узбекістане стаў буйнейшым мерапрыемствам у краіне пасля перапынку, выкліканага пандэміяй. Арганізатары змаглі прыцягнуць у Ташкент дастатковую колькасць удзельнікаў для поўнага запаўнення плошчаў усіх чатырох павільёнаў НВК "Узэкспацэнтр". Мерапрыемства, з`яўляючыся працягам "ІНАПРАМА", які традыцыйна праводзіцца ў Екацярынбургу, упершыню прайшло ў Ташкенце.

У выстаўцы ўдзельнічалі больш за 200 прадпрыемстваў, якія працуюць у сферах машынабудавання, металургіі, энергетыкі, фармацэўтыкі, хімічнай прамысловасці і медыцыны, з Арменіі, Беларусі, Германіі, Італіі, Кітая, Рэспублікі Карэя, Расіі, Турцыі, Узбекістана, Францыі, Чэхіі, Японіі, краін ЕАЭС і Цэнтральнай Азіі. Больш за 10 тыс. чалавек - прадстаўнікі дзяржаўных органаў і бізнесу Афганістана, Казахстана, Кыргызстана, Пакістана, Таджыкістана, Туркменістана і Узбекістана - наведалі выстаўку.

Арганізатар нацыянальнай экспазіцыі Made in Belarus на выстаўцы "ІНАПРАМ" - унітарнае прадпрыемства "Белінтэрэкспа" БелГПП.

8 красавіка 2021, Мінск
БЕЛТА
 
Дата публикации:08.04.2021
Тематика:Товары из Беларуси, В мире
Просмотров:23
 
Ключевые слова:
Made in Belarus Узбекистан Выставка
 
 


Комментарии



 



Другие новости по этой теме