Белорусский портал в Казахстане

ЕЭК прапануе зрабіць біржавымі таварамі ў ЕАЭС газ, нафту, металы, угнаенні, збожжа, будматэрыялы



Еўразійская эканамічная камісія апублікавала на сваім сайце даклад аб прапановах па фармаванні агульнага біржавога рынку тавараў у Еўразійскім эканамічным саюзе, паведамілі ў прэс-службе ЕЭК.

Раней даклад быў ухвалены Калегіяй ЕЭК. "Галоўнымі мэтамі фарміравання агульнага біржавога рынку тавараў з`яўляюцца фарміраванне аб`ектыўных рыначных цэн на біржавыя тавары, рост аб`ёмаў гандлю ў саюзе, павелічэнне долі разлікаў у нацвалютах, павышэнне ўзроўню пасрэдніцтва паміж прадаўцамі і пакупнікамі і фармаванне справядлівага цэнаўтварэння на тавары ЕАЭС на сусветным рынку", - растлумачыў член Калегіі (міністр) па інтэграцыі і макраэканоміцы ЕЭК Сяргей Глазьеў.

Даклад змяшчае прапановы па схемах фармавання агульнага біржавога рынку тавараў, вызначэнні пераліку тавараў і вытворных фінансавых інструментаў для рэалізацыі на агульным рынку, разліку біржавых і пазабіржавых індыкатараў цэн, а таксама вопыт Еўрапейскага саюза.

"Да біржавых тавараў, што гандлююцца на агульным біржавым рынку саюза, могуць быць аднесены: вугаль, мінеральныя ўгнаенні, алей, цукар, шрот, макуха, чорны метал, будматэрыялы, цэмент, золата, электраэнергія, газ, нафта, нафтапрадукты, збожжа", - адзначаецца ў дакладзе.

"Вывады і прапановы даклада будуць выкарыстаны для распрацоўкі канцэпцыі фармавання агульнага біржавога рынку тавараў у рамках ЕАЭС, якую плануецца зацвердзіць у 2023 годзе", - дадалі ў прэс-службе.

У ЕЭК таксама нагадалі, што раней на Беларускай універсальнай таварнай біржы прайшлі тэставыя таргі рапсавым алеем, у якіх прынялі ўдзел суб`екты гаспадарання і біржы краін ЕАЭС.

Прадстаўнікі бізнесу высока ацанілі арганізацыю і выказалі зацікаўленасць ва ўдзеле ў рэальных таргах.

16 верасня 2022, Масква
Эдуард Півавар - БЕЛТА

Ссылка на текущий документ: http://belarus.kz/aktueller/13-402/1/66516
Текущая дата: 27.01.2023