Белорусский портал в Казахстане

Парк высокіх тэхналогій зарэгістраваў больш за 30 новых рэзідэнтаў



Парк высокіх тэхналогій зарэгістраваў 33 новыя рэзідэнты. Такое рашэнне прынята наглядальным саветам парка, паведамілі ў прэс-службе ПВТ.

У ліку навічкоў прадстаўнікі розных сфер, сярод якіх распрацоўка мабільных дадаткаў і вэб-платформ, медыцына, фінтэх, электронная камерцыя, лагістыка, гульнявая індустрыя, сельская гаспадарка, электраэнергетыка, электроніка, ахова навакольнага асяроддзя, майнінг і іншыя.

У склад ПВТ увайшлі рэзідэнты з замежным капіталам, якія заснаваны прадстаўнікамі Малдовы, Эстоніі і ААЭ.

Адзін з яркіх прадстаўнікоў медтэха - кампанія "Платформа "Медыкт". Яна распрацоўвае апаратна-праграмны комплекс для кіравання абсталяваннем у аперацыйных і дакументавання аперацый "Сірыус", электронна-вылічальную машыну "Сірыус". Рашэнне дазволіць візуалізаваць усе працэсы ў ходзе аперацый, выводзіць на аперацыйныя маніторы даныя даследаванняў (МРТ, УГД і г.д.), а таксама кіраваць усім інжынерным абсталяваннем у аперацыйнай, у тым ліку асвятленнем, хірургічнымі свяцільнямі, медыцынскімі трансфарматарамі, таймерамі і секундамерамі ў час аперацыі.

Яшчэ адзін новы рэзідэнт ПВТ плануе дапрацаваць уласны прадукт - сістэму маніторынгу і ранняга выяўлення лясных і ландшафтных пажараў "Лясны вартавы". Праграмна-апаратны комплекс аб`ядноўвае ў сабе абсталяванне машыннага зроку, серверную платформу, сістэмнае і спецыялізаванае праграмнае забеспячэнне, геаінфармацыйную сістэму, сродкі забеспячэння бяспекі і каналы перадачы даных.

Парк высокіх тэхналогій аб`ядноўвае больш як 1 тыс. кампаній.

14 ліпеня 2023, Мінск
БЕЛТА

Ссылка на текущий документ: http://belarus.kz/aktueller/18-402/1/70109
Текущая дата: 28.02.2024