Белорусский портал в Казахстане

Прэзідэнт Беларусі Аляксандр Лукашэнка павіншаваў хрысціян Беларусі, якія святкуюць Вялікдзень 4 красавіка



Аб гэтым паведамілі ў прэс-службе беларускага лідара.

"Уваскрэсенне Хрыстова сімвалізуе духоўнае адраджэнне: жыццё выйграла бітву ў смерці, дабро перамагло зло, а святло знішчыла цемру", - гаворыцца ў віншаванні.

Кіраўнік дзяржавы адзначыў, што радасць гэтага свята з`яўляецца пунктам адліку для новых добрых спраў, дапамогі слабым і абяздоленым, яднання дзеля міру і згоды ў грамадстве.

"Толькі разам, абапіраючыся на хрысціянскія каштоўнасці, мы зможам справіцца з усімі цяжкасцямі, прыйсці да шчасця і працвітання. Няхай святло велікодных дзён напаўняе вашы сэрцы мудрасцю і надзеяй", - пажадаў Прэзідэнт.
*****
Віншаванне Прэзідэнта з Уваскрэсеннем Хрыстовым
Хрысціянам Беларусі, якія святкуюць Вялікдзень 4 красавіка 2021 года

Дарагія суайчыннікі!

Ад усяго сэрца віншую вас са святам Вялікадня.

Уваскрэсенне Хрыстова сімвалізуе духоўнае адраджэнне: жыццё выйграла бітву ў смерці, дабро перамагло зло, а святло знішчыла цемру.

Радасць гэтага свята з`яўляецца пунктам адліку для новых добрых спраў, дапамогі слабым і абяздоленым, яднання дзеля міру і згоды ў грамадстве.

Толькі разам, абапіраючыся на хрысціянскія каштоўнасці, мы зможам справіцца з усімі цяжкасцямі, прыйсці да шчасця і працвітання.

Няхай святло велікодных дзён напаўняе вашы сэрцы мудрасцю і надзеяй.

Жадаю моцнага здароўя, сямейнага дабрабыту, здзяйснення самых запаветных жаданняў.

Аляксандр Лукашэнка.

3 красавіка 2021, Мінск
БЕЛТА

Ссылка на текущий документ: http://belarus.kz/aktueller/2-/1/58736
Текущая дата: 13.05.2021