Белорусский портал в Казахстане

У Мінскім раёне выратавальнікі вывелі з лесу трох падлеткаў, якія згубіліся



Работнікі рэспубліканскага атрада спецыяльнага прызначэння «Зубр» выратавалі трох падлеткаў, якія згубіліся ў Мінскім раёне, паведамілі ў МНС.

Інцыдэнт адбыўся 4 лютага паблізу вёскі Жукаў Луг. У 17.51 выратавальнікам паступіла паведамленне, што ў лясным масіве згубіліся трое падлеткаў. Хлопцы знаходзіліся на сувязі, але страцілі арыенціры.

Да месца пошукаў неадкладна выехалі ратавальнікі, у тым ліку аддзяленне пошукава-выратавальных работ рэспубліканскага атрада спецыяльнага прызначэння «Зубр» з кіналагічным разлікам і медыкамі. У 18.39 работнікі РАСН знайшлі падлеткаў і вывелі іх з лесу.

Падлеткаў перадалі брыгадзе хуткай медыцынскай дапамогі для агляду.

Звязда, 5 лютага 2023

Ссылка на текущий документ: http://belarus.kz/aktueller/2-/1/68274
Текущая дата: 23.06.2024