Як паведаміў Антон Бычкоўскі, беларускія пагранічнікі ў паласе адказнасці Жытомірскага пагранічнага атрада ў ходзе правядзення аператыўных мерапрыемстваў выявілі схованку з кампанентамі для вырабу самаробных выбуховых прылад.
«Выяўлены кантэйнеры з 2 кілаграмамі пластычнага выбуховага рэчыва, выканаўчымі прыладамі-ўзрывальнікамі з запаламі і дэтанатарамі да іх», — паведаміў Антон Бычкоўскі.
Ён адзначыў, што органамі памежнай службы ва ўзаемадзеянні з Міністэрствам абароны ажыццяўляецца комплекс мерапрыемстваў па дадатковым прыкрыцці дзяржаўнай граніцы, узмацненні кантролю за паветранай прасторай і выканання рэжыму на прыгранічнай тэрыторыі. Пагранічная служба Беларусі на граніцы з Украінай нясе службу ва ўзмоцненым рэжыме.
Дзеянні па забеспячэнні пагранічнай бяспекі накіраваны на недапушчэнне нагнятання абстаноўкі на граніцы і папярэджанне правакацый. Усе яны будуць неадкладна спыняцця суб’ектамі забеспячэння нацыянальнай бяспекі.
Звязда, 28 чэрвеня 2024
