У мэтах процідзеяння незаконнай міграцыі і спынення правапарушэнняў з боку замежных грамадзян і асоб без грамадзянства ў Мінску на мінулым тыдні праведзена спецыяльнае комплекснае мерапрыемства "Нелегал".
Як паведамляе ГУУС Мінгарвыканкама, праведзена комплексная адпрацоўка рынкаў, гасцініц, інтэрнатаў, чыгуначных станцый, аб`ектаў будоўлі, прыватных адрасоў, па якіх незаконна пражывалі замежныя грамадзяне, іншых месцаў магчымага з`яўлення замежнікаў, што знаходзяцца на тэрыторыі Мінска без прававых падстаў.
Падчас мерапрыемстваў за парушэнне міграцыйнага заканадаўства, у тым ліку парадку ўезду-выезду і знаходжання ў Беларусі, былі выяўленыя і прыцягнутыя да адміністрацыйнай адказнасці 309 грамадзян. У дачыненні да 46 замежнікаў прынятыя рашэнні аб дэпартацыі/высылцы іх з краіны.
Выяўлены тры замежныя грамадзяніны, якія парушылі тэрмін забароны ўезду ў Беларусь. У дачыненні да іх распачатыя крымінальныя справы на падставе арт. 371-2 КК (парушэнне тэрміну забароны ўезду ў Рэспубліку Беларусь).
Вячаслаў Будкевіч,
БелаПАНМінск, 4 сакавіка 2015
