Як паведамляе СК, яго кіраўнік Валянцін Шаеў, выступаючы на пасяджэнні, адзначыў, што "ў дзейнасці ведамства першачарговая ўвага надаецца забеспячэнню усебаковасці, поўнасці, аб`ектыўнасці, планамернасці і аператыўнасці расследавання злачынстваў, ахове правоў і законных інтарэсаў грамадзян, арганізацый, дзяржаўных і грамадскіх інтарэсаў, выкананню законнасці пры праверцы заяў і паведамленняў пра злачынствы, распачынанні крымінальных спраў, правядзенні папярэдняга следства".
Паводле слоў Шаева, стварэнне СК станоўча паўплывала на становішча са злачыннасцю ў краіне, знізілася колькасць злачынстваў, чаму таксама спрыяе і эфектыўнае ўзаемадзеянне з праваахоўнымі органамі. "Трэці год можна лічыць годам падвядзення вынікаў праведзенай працы, ацэнкі эфектыўнасці прынятых мер па ўдасканаленні дзейнасці органаў папярэдняга следства, павышэнні якасці і аператыўнасці следчай працы. У цэлым мы канстатуем, што прынятыя меры аказалі істотны ўплыў на павышэнне эфектыўнасці дасудовай крымінальнай вытворчасці", — заявіў кіраўнік СК.
Ён звярнуў увагу на тое, што склалася станоўчая дынаміка па шэрагу асноўных паказчыкаў следчай працы, якія характарызуюць аб`ём, якасць і аператыўнасць папярэдняга следства, стан законнасці, кампенсаванне ўрону, прычыненага злачынствамі, раскрыццё злачынстваў — 2014 год стаў найлепшым з моманту стварэння Следчага камітэта ў гэтым плане.
Летась зарэгістравана на 2,8% менш злачынстваў, чым у 2013 годзе, і удвая менш, чым у 2005-м. Больш эфектыўнай, як адзначаюць у СК, стала праца па выкрыцці і прыцягненні да крымінальнай адказнасці вінаватых асоб, пра што сведчыць павышэнне ўзроўню раскрыцця злачынстваў, расследаваных падраздзяленнямі СК, — з 63,2% у 2013 годзе да 66,2% у 2014-м (2012 год — 59,8%, 2011 год — 59,9%). На 8,8% скарацілася колькасць крымінальных спраў, расследаванне па якіх прыпыненае ў сувязі з неўстанаўленнем асобы, якая падлягае прыцягненню ў якасці абвінавачанага. Пры гэтым за апошнія тры гады іх колькасць знізілася практычна на 40%.
Па такіх паказчыках службовай дзейнасці, як колькасць крымінальных спраў, вернутых пракурорамі для правядзення дадатковага папярэдняга расследавання, і колькасць асоб, апраўданых і неабгрунтавана прыцягнутых да крымінальнай адказнасці, дасягнуты найлепшыя вынікі за апошняе дзесяцігоддзе.
Так, узмацненне патрабаванняў да якасці папярэдняга следства дазволіла скараціць (да 427, ці 1%) колькасць крымінальных спраў, вернутых пракурорамі.
Летась набылі моц рэабілітацыйныя судовыя рашэнні ў дачыненні да 34 асоб, што практычна ў дзесяць разоў менш, чым у 2011 годзе (333).
На стадыі дасудовай вытворчасці па рэабілітацыйных падставах у 2014 годзе спынены крымінальны пераслед у дачыненні да 18 асоб, што ў пяць разоў менш, чым у 2011 годзе (93) (2013 год — 27, 2012 год — 21).
У 2014 годзе атрымала працяг пазітыўная дынаміка росту колькасці крымінальных спраў, папярэдняе расследаванне па якіх завершанае ў больш сціслыя тэрміны, чым прадугледжана ч. 1 арт. 190 КПК. У сярэднім па кожнай трэцяй крымінальнай справе ў краіне папярэдняе следства завершанае ў тэрмін да месяца. Іх удзельная вага ў параўнанні з 2012 годам павялічылася на 6,7% і склала 34,5%.
З утварэннем СК у два разы скарацілася колькасць крымінальных спраў, па якіх у судзе выстаўлялася новае абвінавачанне ці прыпынялася судаводства для правядзення дадатковых следчых дзеянняў.
