Кіраўнікі абаронных ведамстваў абмеркавалі перспектывы развіцця двухбаковага ваеннага супрацоўніцтва. У прыватнасці, былі закрануты пытанні падрыхтоўкі да ўдзелу ў міратворчай дзейнасці, ваенна-эканамічнага, навукова-тэхнічнага супрацоўніцтва, узаемадзеяння ў галіне ваеннай адукацыі і ваеннай медыцыны.

Афіцыйны візіт ваеннай дэлегацыі Сербіі ў Беларусь прадоўжыцца па 12 лістапада. Плануецца, што 11 лістапада члены сербскай дэлегацыі азнаёмяцца з арганізацыяй вучэбнага працэсу і матэрыяльна-тэхнічнай базай Ваеннай акадэміі Беларусі. Праграмай візіту прадугледжаны ўскладанне вянка да манумента-абеліска на плошчы Перамогі і наведванне Беларускага дзяржаўнага музея гісторыі Вялікай Айчыннай вайны.

Звязда, 11 лістапада 2014