Кандыдатуру Масімава на пасаду прэм`ера прапанаваў сам Нурсултан Назарбаеў, пасля чаго яе адобрыў парламент Казахстана.

Выступаючы ў парламенце, Назарбаеў адзначыў, што Карым Масімаў, які займаў пасаду прэм`ер-міністра Казахстана з 2007 года па верасень 2012 года, працаваў у самы крызісны перыяд для краіны. "Цяпер чакаецца вытворчы крызіс. Еўропа яшчэ з каленяў не паднялася, як бачыце. У іншых краінах, якія сталі на шлях развіцця, рынках таксама няпростая сітуацыя, таму патрэбна правільная работа ўнутры краіны і з замежнымі партнёрамі", - сказаў прэзідэнт.

Папярэдні прэм`ер-міністр Серык Ахметаў узначальваў урад Казахстана з верасня 2012 года. Сёння стала вядома аб яго адстаўцы.

2 красавіка 2014, Мінск
БЕЛТА