Аб гэтым паведаміў 27 лютага журналістам начальнік упраўлення інфармацыі - прэс-сакратар МЗС Беларусі Дзмітрый Мірончык.
"Адносіны з фактычным новым кіраўніцтвам нашай паўднёвай суседкі будуць выбудоўвацца па меры фарміравання новага кіраўніцтва Украіны. Наколькі вядома, гэты працэс яшчэ не завершаны", - сказаў прадстаўнік МЗС.
Акрамя таго, ён падкрэсліў, што Беларусь няўхільна прытрымліваецца прынцыпу неўмяшання ва ўнутраныя справы і разлічвае на хуткае вырашэнне сітуацыі ва Украіне, а таксама на далейшае развіццё дружалюбных і добрасуседскіх адносін.
27 лютага 2014, Мінск
БЕЛТА
