Кіраўнік шатландскага рэгіянальнага ўрада Алекс Сэлманд абвясціў, што рэферэндум па пытанні аб незалежнасці Шатландыі пройдзе 18 верасня 2014 года, паведамляюць інфармагенцтвы.
Удзельнікам рэферэндуму трэба будзе адказаць на адно пытанне: "Ці павінна Шатландыя быць незалежнай дзяржавай?".
Алекс Сэлманд падкрэсліў, што цяперашняе пакаленне шатландцаў атрымала вялікую прывілею — самастойна вызначыць будучыню сваёй краіны на доўгія гады.
Левая апазіцыя, якая выступае за захаванне Шатландыі ў складзе Вялікабрытаніі, раскрытыкавала выбар даты, палічыўшы яе занадта аддаленай.
Паводле вынікаў сацыялагічных апытанняў, каля 30% шатландцаў, якія маюць права голасу, падтрымліваюць незалежнасць Шатландыі. За захаванне статус-кво выступаюць крыху менш за палову апытаных. Умовы правядзення рэферэндуму ўжо агавораны на афіцыйным узроўні ўрадамі Шатландыі і Брытаніі.
Звязда, 23 сакавіка 2013
