Дзеці падрыхтавалі для гасцей навагодні паказ з песнямі і танцамі. Наведванне ўстановы аховы здароўя стала не толькі важнай падзеяй для малых, але і для саміх следчых, якія ў чарговы раз убачылі, як значны ўдзел у такіх акцыях. Усмешкі і радасць у вачах хлопчыкаў і дзяўчынак напоўнілі сэрцы дарослых цяплом і натхненнем.

«Новы год — гэта самае выдатнае і чароўнае свята. Мы, дарослыя, да заканчэння года ўсё-такі больш думаем аб тым, як паспець зрабіць усё тое, што не паспелі за год, а для дзяцей гэта казачны час. Яны чакаюць свята і спадзяюцца на цуд. Сёння я жадаю ўсім дзецям моцнага здароўя і каб у кожнага з вас спраўдзіліся самыя запаветныя мары. Мы шчыра спадзяемся, што наш візіт падарыў радасць і натхненне, якія асабліва патрэбны напярэдадні Новага года. Наш святы абавязак прыносіць шчасце дзецям, а ўзамен мы атрымліваем яшчэ больш радасці ад таго, што робім дабро», — адзначыў старшыня Следчага камітэта, падкрэсліваючы важнасць такіх сустрэч.

Следчыя прадоўжаць удзельнічаць у такіх акцыях. «Мы ўпэўнены, што такія ініцыятывы садзейнічаюць фарміраванню клапатлівай і падтрымліваючай супольнасці, дзе кожнае дзіця адчувае сябе любімым і патрэбным», — падкрэсліў Дзмітрый Гара.

Навагодняя дабрачынная акцыя «Нашы дзеці» праходзіць у Беларусі з 16 снежня 2024 года па 15 студзеня 2025 года. У гэты час кіраўнікі рэспубліканскіх дзяржаўных органаў, мясцовых выканаўчых і распарадчых органаў наведваюць дзіцячыя інтэрнатныя ўстановы і дамы сямейнага тыпу, бальніцы, апякунскія і прыёмныя сем’і, віншуюць дзяцей з Новым годам, Калядамі і ўручаюць ім падарункі.

Звязда, 21 снежня 2024