Мэтай мерапрыемства з’яўляецца фармаванне ў вучняў актыўнай грамадзянскай пазіцыі на аснове разумення сутнасці і значэння Канстытуцыі Беларусі, гатоўнасці свядома выконваць грамадзянскія абавязкі.

На занятку дзецям можа быць прапанавана разгадаць тэматычную крыжаванку, прагледзець відэасюжэт «Канстытуцыя Рэспублікі Беларусь», створаны Нацыянальным цэнтрам заканадаўства і прававой інфармацыі.

Асноўны этап лекцыі будзе сканструяваны на аснове прэзентацыі «Канстытуцыя — асноўны закон Рэспублікі Беларусь». Асноўнымі змястоўнымі лініямі стануць структура і змест Канстытуцыі, правы і абавязкі грамадзян краіны, а таксама змяненні і дапаўненні Канстытуцыі, унесеныя па выніках рэспубліканскага рэферэндуму 2022 года.

Матрыцы і прэзентацыя для правядзення лекцыі ў 1-4, 5-9, 10-11 класах размешчаны на сайце Акадэміі адукацыі.

Звязда, 12 сакавіка 2025