Сярод зарэгістраваных у мінулым годзе грамадскіх аб`яднанняў 1 міжнароднае, 13 рэспубліканскіх і 72 мясцовыя. Акрамя таго, зарэгістраваны 3 асацыяцыі грамадскіх аб`яднанняў, 11 мясцовых фондаў. Агульная колькасць фондаў вырасла да 155 (14 міжнародных, 5 рэспубліканскіх і 136 мясцовых).

Колькасць зарэгістраваных (пастаўленых на ўлік) арганізацыйных структур палітычных партый павялічылася на 1,3 працэнта да 1071. Колькасць аргструктур прафесійных саюзаў, наадварот, зменшылася на 0,7 працэнта, паводле апошніх даных Мінюста, іх цяпер каля 23 тыс. Адносна грамадскіх аб`яднанняў гэты паказчык вырас на 3,5 працэнта да 40,3 тыс.

Усяго па стане на 1 студзеня 2015 года ў рэспубліцы зарэгістравана 15 палітычных партый, 37 прафесійных саюзаў, 2596 грамадскіх аб`яднанняў, з якіх 228 міжнародных, 709 рэспубліканскіх і 1659 мясцовых, 33 саюзы (асацыяцыі) грамадскіх аб`яднанняў, 7 рэспубліканскіх дзяржаўна-грамадскіх аб`яднанняў.

30 студзеня 2015, Мінск
БЕЛТА