Нацыянальны акадэмічны драматычны тэатр імя М.Горкага рыхтуе спектакль пра народнага артыста СССР, заснавальніка ансамбля "Песняры" Уладзіміра Мулявіна.
Рабочая назва п`есы "Пясняр". Арыгінальны твор напісаў малады драматург Васіль Дранько-Майсюк. Ставіць спектакль рэжысёр Валянціна Еранькова.
"Асноўная фігура ў спектаклі - Уладзімір Мулявін, вакол якога ўзнікаюць персаналіі і Купалы, і Коласа. Усё тое, што суправаджала творчасць выканаўца, будзе тым ці іншым чынам паказана, - тлумачыць Эдуард Герасімовіч. - Гэта вельмі няпростая форма драматургіі, але ставіць п`есу рэжысёр, які мае цягу да такіх рэчаў. У яе было шмат такіх спектакляў. Я ўпэўнены, што фігура Мулявіна заслугоўвае да сябе такога стаўлення". Дырэктар дадаў, што спектакль запатрабуе вялікіх расходаў, але ў тэатры разлічваюць як на дзяржаўнае фінансаванне, так і на пазабюджэтныя сродкі.
Пастаноўка прадоўжыць сезон беларускай драматургіі, які пачаўся ў Рускім у 2013 годзе. Прадставіць спектакль гледачам плануецца ў кастрычніку.
Уладзімір Мулявін нарадзіўся ў 1941 годзе ў Свярдлоўску (цяпер Екацярынбург). У 12 гадоў самастойна асвоіў ігру на балалайцы, потым навучыўся іграць на гітары і пачаў гэтым зарабляць, іграючы ў паяздах, пераходах і на вуліцах. Да 14 гадоў ён нядрэнна іграў не толькі на гітары і балалайцы, але і на іншых струнных інструментах. Паступіў у Свярдлоўскае музычнае вучылішча на аддзяленне струнных інструментаў, але ў хуткім часе быў адлічаны за захапленне джазам. Мулявін вярнуўся ў вучылішча, але потым пакінуў яго па ўласным жаданні. У 1963 годзе яго запрасілі на работу ў Белдзяржфілармонію. У 1968-м ён стварыў вакальна-інструментальны ансамбль "Лявоны", які потым у 1970-м перайменавалі ў "Песняры". У маі 2002 года артыст трапіў у аварыю, у якой атрымаў вельмі цяжкія траўмы. Памёр музыкант праз 8 месяцаў, у 2003-м.
У гонар Песняра ў Мінску перайменавалі бульвар, які да гэтага насіў імя Луначарскага. На ўсходніх могілках адкрылася надмагільная скульптурная кампазіцыя Мулявіну, а на радзіме выканаўца - мемарыяльная дошка. У Екацярынбургу будзе ўстаноўлены помнік народнаму артысту СССР.
26 сакавіка 2014, Мінск
БЕЛТА
