Адкрытае рэгіянальнае свята народнай творчасці "Аўгустоўскі канал запрашае сяброў" пройдзе ў наваколлі шлюза Дамброўка 26 мая, паведамілі ў Гродзенскім райвыканкаме.
У мерапрыемстве прымуць удзел творчыя калектывы ўстаноў культуры Гродзенскага раёна.
У праграме выстаўка-кірмаш вырабаў мясцовых умельцаў "Народная творчасць - крыніца натхнення". Будуць арганізаваны падворкі на тэму народных казак "Падарожжа па казачнай сцежцы".
Старт святу дасць касцюміраванае тэатралізаванае шэсце казачных герояў і канцэрт творчых калектываў Гродзенскага раёна. Акрамя таго, гасцям будзе прапанавана паўдзельнічаць у забаўляльна-гульнявой праграме, а вечарам у дыска-шоу "У кругу сяброў".
22 мая 2013, Гродна
Ніна Савіч -
БЕЛТА
