Выстаўку арганізуе музей сумесна з дабрачынным грамадскім аб`яднаннем "Свет без межаў" у рамках рэспубліканскай акцыі для дзяцей-інвалідаў з асаблівасцямі псіхафізічнага развіцця "Вялікае мастацтва рукамі маленькіх дзяцей".

У Мірскім замку з 7 па 21 сакавіка будуць прадстаўлены карціны юных мастакоў з Багушэўскага, Веснаўскага, Гарадзішчанскага, Журавіцкага, Івянецкага, Мінскага, Рэчыцкага, Чэрвеньскага дамоў-інтэрнатаў для дзяцей-інвалідаў з асаблівасцямі псіхафізічнага развіцця.

Як паведамілі арганізатары акцыі, яна накіравана на далучэнне дзяцей з асаблівасцямі псіхафізічнага развіцця да мастацтва. На працягу года выстаўка дэманстравалася ў Мінску, Брэсце, работы ўдзельнікаў акцыі былі прадстаўлены на розных рэспубліканскіх конкурсах. Карціны дзяцей атрымалі станоўчыя водзывы ў наведвальнікаў.

Акцыя праходзіць пры падтрымцы Міністэрства працы і сацыяльнай абароны Беларусі.

7 сакавіка 2013, Гродна
Алена Стасюкевіч - БЕЛТА