За 9 месяцаў 2012 года розныя віды дзяржаўнай адраснай сацыяльнай дапамогі (ДАСД) былі аказаны 233 тыс. чалавек. Аб`ём фінансавання на гэтыя мэты склаў Br304 млрд., што ў 5,4 раза больш у параўнанні з аналагічным перыядам папярэдняга года.

На жаль, часам асобныя атрымальнікі ДАСД становяцца ўтрыманцамі: апынуўшыся ў цяжкай жыццёвай сітуацыі, яны атрымліваюць дзяржсацпадтрымку і прывыкаюць да гэтага, не імкнуцца вырашаць свае праблемы самастойна, - прызнаў Аляксандр Румак. - Разглядаюцца прапановы аб больш жорсткіх падыходах да выдзялення ДАСД у мэтах павышэння адраснасці яе назначэння і большай аб`ектыўнасці". У першую чаргу гэта датычыцца тых, хто знаходзіцца на ўліку ў службе занятасці, удакладніў намеснік міністра: "Калі чалавек некалькі разоў адмаўляецца ад прапанаванага рабочага месца, такім чынам не імкнучыся зарабіць на жыццё сабе і сваёй сям`і, то не зусім справядліва зноў яму аказваць дзяржсацпадтрымку".

Паводле слоў Аляксандра Румака, выпрацоўваюцца прапановы ўпаўнаважыць камісіі мясцовых выканаўчых органаў, якія прымаюць рашэнні аб выдзяленні ДАСД , назначаць гэту дапамогу на мінімальны тэрмін і з улікам выканання рэкамендацый, выдадзеных чалавеку для таго, каб ён змог забяспечыць сябе і сваю сям`ю.

3 студзеня 2013, Мінск
Алена Прус - БЕЛТА