Пра гэта міністр замежных спраў Літвы Аўдронюс Ажубаліс заявіў 18 верасня на сустрэчы ў Вільнюсе з украінскім калегам Канстанцінам Грышчанкам.
Як паведамляе прэс-служба літоўскага МЗС, на перамовах міністры надалі вялікую ўвагу саміту Усходняга партнёрства, які ў 2013 годзе (падчас старшынства Літвы ў Савеце ЕС) пройдзе ў Вільнюсе, а таксама ролі Украіны ва Усходнім партнёрстве.
Ажубаліс і Грышчанка абмеркавалі адну з самых важных падзей ва ўнутранай палітыцы Украіны — парламенцкія выбары, запланаваныя на 28 кастрычніка.
Кіраўнік знешнепалітычнага ведамства Літвы падкрэсліў, што выбары павінны быць арганізаваныя такім чынам, каб у міжнароднай супольнасці не ўзнікла і найменшага сумнення ў іх празрыстасці і адпаведнасці агульнапрызнаным нормам. Паводле слоў Ажубаліса, сумленныя выбары з`яўляюцца адной з неабходных умоў для заключэння пагаднення аб асацыяцыі Украіны з ЕС.
Таццяна Каравянкова,
БелаПАНМінск, 18 верасня 2012
