Буйная партыя цыгарэт затрымана віцебскімі мытнікамі ў пункце мытнага афармлення "Урбаны", паведаміла 7 жніўня прэс-служба Дзяржаўнага мытнага камітэта.
Грамадзянін Латвіі пры перасячэнні мяжы паказаў дакументы на мэблю — дзевяць месцаў, маса 543 кг. Аднак на падставе аператыўнай інфармацыі супрацоўнікі мытні вырашылі праверыць груз. Падчас надгляду яны ўстанавілі, што за мэбляй знаходзяцца не заяўленыя ў таварна-суправаджальных дакументах цыгарэты з акцызнымі маркамі Рэспублікі Беларусь 21 наймення агульнай колькасцю больш як 84 тыс. пачкаў.
Тавар коштам звыш 287 млн. рублёў канфіскаваны. Па факце правапарушэння праводзіцца праверка.
БелаПАНМінск, 7 жніўня 2012
