За студзень 2012 года станоўчае сальда знешняга гандлю таварамі склала 126,1 млн. долараў. За студзень 2011 года гэты паказчык быў на ўзроўні мінус 739,9 млн. долараў. Такія звесткі апублікаваў Нацыянальны статыстычны камітэт Беларусі.
Як паведамлялася, за 2011 год адмоўнае сальда знешняга гандлю таварамі склала 5 млрд. 453,1 млн. долараў.
У студзені 2012 года аб`ём знешняга гандлю таварамі павялічыўся на 55,3% у параўнанні са студзенем 2011 года і склаў 6 млрд. 683,1 млн. долараў. Экспарт за першы месяц гэтага года павялічыўся на 91,1% да 3 млрд. 404,6 млн. долараў, імпарт — на 30% да 3 млрд. 278,5 млн. долараў.
Сальда ў гандлі з краінамі СНД склалася адмоўнае ў 919,5 млн. долараў (за студзень 2011 года — мінус 331,8 млн.). Экспарт вырас на 34% да 1 млрд. 40,8 млн. долараў, імпарт — на 68,4% да 2 млрд. 325,5 млн. Аб`ём знешняга гандлю за студзень 2012 года склаў 3 млрд. 731,5 млн. долараў (на 53,5% больш).
Сальда ў гандлі з краінамі Мытнага саюза склалася адмоўнае ў 1 млрд. 172 млн. долараў (за студзень 2011 года — мінус 371,7 млн.). Экспарт вырас на 19,3% да 1 млрд. 40,8 млн. долараў, імпарт — на 77,8% да 2 млрд. 212,8 млн. Аб`ём знешняга гандлю за першы месяц 2012 года склаў 3 млрд. 253,6 млн. долараў (на 53,7% больш).
Сальда ў гандлі з РФ склалася адмоўнае на ўзроўні 1 млрд. 210,3 млн. долараў (за студзень 2011 года — мінус 386 млн.). Знешнегандлёвы абарот з Расіяй павялічыўся на 54% да 3 млрд. 193,9 млн. долараў. Экспарт вырас на 17,5% (да 991,8 млн.), імпарт — на 79% (да 2 млрд. 202,1 млн.).
Знешнегандлёвы абарот з Казахстанам павялічыўся на 40,5% да 59,7 млн. долараў. Экспарт вырас на 72,6% (да 49 млн.), імпарт знізіўся на 24,3% (да 10,7 млн.). Сальда ў гандлі з Казахстанам склалася станоўчае ў 38,3 млн. долараў (за студзень 2011 года — плюс 14,3 млн.).
Знешнегандлёвы абарот з краінамі далёкага замежжа ўзрос на 57,7% і склаў 2 млрд. 951,6 млн. долараў. Экспарт павялічыўся ў 2,7 разу да 1 млрд. 998,6 млн., імпарт знізіўся на 16,4% да 953 млн. Сальда склалася станоўчае ў 1 млрд. 45,9 млн. долараў (за студзень 2011 года — мінус 408,1 млн. долараў).
Знешнегандлёвы абарот з краінамі ЕС павялічыўся ў 2,5 разу і склаў 2 млрд. 264,9 млн. долараў. Экспарт павялічыўся ў 4 разы да 1 млрд. 740,6 млн., імпарт — на 14,9% да 524,3 млн. Сальда склалася станоўчае ў 1 млрд. 216,3 млн. долараў (за студзень 2011 года — мінус 17 млн. долараў).
Марына Носава,
БелаПАНМінск, 1 сакавіка 2012
