Паводле прагнозаў Сусветнага банка, у Беларусі ў 2024 годзе ВУП павялічыцца на 4 працэнты, а ў 2025 годзе - на 1,2 працэнта. У чэрвені бягучага года банк даваў значна больш сціплыя прагнозы - 1,2 працэнта і 0,7 працэнта адпаведна.

Паводле інфармацыі Нацыянальнага статыстычнага камітэта, ВУП Беларусі ў студзені-верасні вырас на 4,5 працэнта. Мэта па выніках 2024 года - рост на 3,8 працэнта, такім чынам, пакуль эканоміка расце тэмпамі значна вышэйшымі за прагнозныя. Рост ВУП Беларусі ў 2025 годзе запланаваны на 4,1 працэнта.

18 кастрычніка 2024, Мінск
БЕЛТА