Школьны аўтобус з рэгіянальным поездам TER сутыкнуўся 14 снежня на пераездзе каля камуны Міла пад Перпіньянам (дэпартамент Пірэнеі Усходнія).

Загінулі чатыры школьнікі. Пашкоджанні атрымалі 20 чалавек, у тым ліку 16 дзяцей.

Пры сутыкненні аўтобус разваліўся на дзве часткі. Пракурор Перпіньяна Жан-Жак Фаньі заявіў аб пачатку расследавання.

Пры гэтым СМІ паведамляюць са спасылкай на відавочцаў, што шлагбаум на пераездзе не быў апушчаны, чырвоныя агні сігналізацыі не былі ўключаны.

15 снежня 2017, Мінск
БЕЛТА