Беларусь прапанавала Расійскай Федэрацыі суправаджаць перамяшчэнне падкантрольных тавараў па сваёй тэрыторыі да Казахстана.
Каменціруючы заявы Расіі аб тым, што Беларусь прапускае ў РФ забароненую плодаагароднінную прадукцыю, міністр растлумачыў, што размова ў асноўным ідзе аб транзіце ў Казахстан праз тэрыторыю рэспублікі плодаагародніннай прадукцыі з краін, на якія Расія наклала эмбарга.
"Каб не было непаразуменняў на будучае, каб Беларусь не абвінавацілі ў нейкай несумленнасці на прадмет паставак, мы прапанавалі, каб збіраць машыны, якія накіроўваюцца ў Казахстан, у адным месцы, адкуль у суправаджэнні спецслужбаў Расіі яны маглі б рухацца да граніцы Казахстана", - сказаў Леанід Заяц. Аднак гэта прапанова, паводле яго слоў, пакуль застаецца без адказу расійскага боку.
У цэлым жа кіраўнік ведамства падкрэсліў: "Нашы дзеянні адносна Расійскай Федэрацыі сумленныя. Мы самі зацікаўлены ў тым, каб не падарваць сваімі дзеяннямі давер расійскай службы".
2 лютага 2015, Мінск
Таццяна Грыгаровіч - БЕЛТА
2 лютага 2015, Мінск
Таццяна Грыгаровіч - БЕЛТА