Пастановай МАРГ ад 23 студзеня 2023 года нумар 8 "Аб тарыфах на паслугі па транспартоўцы нафты па магістральных трубаправодах" з 1 лютага 2023 года тарыфы на паслугі, якія аказваюцца ААТ "Гомельтранснафта Дружба" па транзітнай транспартоўцы нафты праз Беларусь, праіндэксаваны на 9 працэнтаў.
"Акрамя таго, гэтай пастановай прадугледжана павышэнне тарыфаў на транспартоўку нафты па ўнутрырэспубліканскіх маршрутных напрамках, што ўлічвае прагназуемы ў Беларусі на 2023 год індэкс цэн вытворцаў прамысловай прадукцыі, а таксама ўдзельныя тырыфы (за 100 ткм) па транспартоўцы нафты па транзітных напрамках", - адзначылі ў ведамстве.
