Прагаласавала больш за дзвесце чалавек. Яны прапанавалі на выбар мноства маршрутаў, якімі карыстаюцца самі.

Таксама паступіла прапанова выкарыстоўваць электробусы для падвозу дзяцей да ўстаноў адукацыі. Вылучаліся і варыянты новых маршрутаў, а хтосьці жартам і зусім напісаў «пакіньце іх у парку, каб нікому не было крыўдна». Вынікі праведзенага апытання апублікаваны на старонцы аўтобуснага парка № 6 у сацыяльных сетках. Так, па выніках апытання па колькасці галасоў перамог 17-ы маршрут — гэта самы працяглы рэйс і самы запатрабаваны сярод пасажыраў горада. Электробусы выйдуць на маршрут ужо на бягучым тыдні.

Нагадаем, два электробусы новага пакалення з працяглым запасам ходу ў Гомелі «затэсцілі» на пачатку снежня. Тэхніка прыбыла ў абласны цэнтр сваім ходам, пераадолеўшы 325 кіламетраў. Машына мадэлі Е433 серыі Vitovt — адна з апошніх распрацовак кампаніі BKM Holding («Белкамунмаш»), адначасова перавозіць 190 пасажыраў.

Наталля Капрыленка
Звязда, 14 снежня 2021