Беларуская чыгунка назначыла дадатковыя паязды на навагоднія і калядныя святы ў міжрэгіянальных зносінах, а таксама павялічыла колькасць месцаў для праезду пасажыраў у саставах, назначаных раней. 

"З улікам павелічэння попыту на перавозкі паяздамі міжрэгіянальных ліній бізнес-класа, якія курсіруюць паміж сталіцай, Гомелем і Брэстам, БЧ прымае неабходныя меры для забеспячэння праезду пасажыраў у дні навагодніх і калядных свят у гэтых напрамках", - расказалі ў прэс-цэнтры.

Для паляпшэння якасці абслугоўвання пасажыраў 3 студзеня 2021 года ў напрамку Мінск - Брэст назначаны дадатковы поезд міжрэгіянальных ліній эканамкласа нумар 667/664. Са сталіцы поезд адправіцца ў 11.52 і прыбудзе ў Брэст у 16.15. У напрамку назад адпраўленне ў 19.01 і прыбыццё ў Мінск у 23.51.

Акрамя таго, 2 студзеня 2021 года поезд міжрэгіянальных ліній бізнес-класа нумар 727/728 Мінск - Брэст будзе курсіраваць здвоеным саставам.

Таксама 2 студзеня 2021 года здвоеным саставам будзе курсіраваць поезд міжрэгіянальных ліній бізнес-класа нумар 710/709 Мінск - Гомель.

У цэлым на навагоднія і калядныя святы БЧ ужо назначыла больш за 100 дадатковых паяздоў, якія курсіруюць па найбольш запатрабаваных маршрутах: Мінск - Гомель, Мінск - Брэст, Мінск - Віцебск (праз Полацк, з вагонам Мінск - Друя), Полацк - Мінск, Мінск - Пінск, Мінск - Светлагорск, Гомель - Віцебск, Гродна - Крычаў - Камунары.

Больш падрабязную інфармацыю пра час адпраўлення назначаных дадатковых паяздоў можна атрымаць на сайце www.rw.by, у мабільным дадатку "БЧ.Мой поезд", а таксама па тэлефоне 105 кантакт-цэнтра БЧ.

З улікам бягучай эпідэмічнай сітуацыі БЧ настойліва рэкамендуе пасажырам пры праездзе ў паяздах выкарыстоўваць сродкі індывідуальнай аховы і па магчымасці выконваць меры сацыяльнага дыстанцыявання.

31 снежня 2020, Мінск
БЕЛТА