Паводле папярэдняй інфармацыі: 88-гадовы жыхар Давыд-Гарадка, кіруючы мапедам "Альфа ZS50F", рухаўся па вуліцы Астроўскага ў Давыд-Гарадку. Пры перасячэнні дарогі Н-606 не саступіў дарогу і здзейсніў сутыкненне з аўтамабілем "Фольксваген Джэта", які рухаўся па галоўнай дарозе, пад кіраваннем 20-гадовага жыхара Століна.

У выніку ДТЗ вадзіцель мапеда з траўмамі дастаўлены ў бальніцу. Устаноўлена, што вадзіцельскае пасведчанне катэгорыі "АМ" ў пенсіянера адсутнічае.

Праводзіцца праверка.

Дзяржаўтаінспекцыя звяртаецца да кіроўцаў мотатранспарта і нагадвае ім, што кіраваць сваімі транспартнымі сродкамі неабходна толькі пры наяўнасці права кіравання адпаведнай катэгорыі і ў моташлемах. Акрамя таго, шлем павінен быць і на пасажыры: матацыкла або скутэра.

Звязда, 29 красавіка 2020