У тэставым рэжыме стала даступная сувязь у тунэлях паміж станцыямі «Пятроўшчына», «Міхалова» і «Грушаўка». У бліжэйшыя дні ўключэнне сувязі будзе забяспечана яшчэ на адным перагоне - да станцыі метро «Інстытут Культуры». На працягу некалькіх тыдняў сувязь з`явіцца на ўчастку, што аб`ядноўвае пяць станцый - ад «Пятроўшчыны» да «Кастрычніцкай».

"Абаненты velcom | A1 змогуць гутарыць па тэлефоне і карыстацца інтэрнэтам на высокіх хуткасцях у тунэлях. Якасць сувязі пры гэтым будзе такая ж, як на платформе або на вуліцы. Гэта стала магчыма дзякуючы пракладанню выпраменьвальнага кабеля (фідара), які падлучаны да базавых станцый", - адзначаюць у кампаніі.

Прадстаўнікі аператара заяўляюць, што праект арганізацыі сувязі ў метро рыхтуецца да старту ІІ Еўрапейскіх гульняў, у яго ўцягнутыя і іншыя аператары. Да пачатку міжнароднай спартыўнай падзеі праект будзе цалкам завершаны.

Звязда, 29 красавіка 2019