Аб гэтымзаявіў намеснік міністра ўнутраных спраў Аляксандр Барсукоў 22 студзеня на сустрэчы з дэлегацыяй Міністэрства грамадскай бяспекі КНР на чале з намеснікам начальніка дэпартамента грамадскай бяспекі Пекіна Пань Сюйхунам.
Як паведамляецца на сайце МУС, праваахоўнікі дзвюх краін абмеркавалі пытанні забеспячэння бяспекі індустрыяльнага парку "Вялікі камень", а таксама праект пратакола аб супрацоўніцтве паміж МГБ КНР і МУС Беларусі.
Як запэўніў Барсукоў, МУС Беларусі асаблівую ўвагу надае пытанню забеспячэння бяспекі на тэрыторыі індустрыяльнага парка. З кастрычніка мінулага года ў ахове аб`ектаў і падтрыманні парадку задзейнічаны аўтапатруль Смалявіцкага аддзела дэпартамента аховы. А супрацоўнікі падраздзялення па грамадзянстве і міграцыі Смалявіцкага РАУС двойчы на тыдзень у будынку адміністрацыі парку выконваюць неабходныя адміністрацыйныя працэдуры (рэгістрацыя замежных грамадзян, выдача дазволаў на права ажыццяўлення працоўнай дзейнасці, выдача дазволаў на часовае пражыванне і г.д.).
"Кіраўнік дэлегацыі КНР высока ацаніў ступень узаемадзеяння з беларускімі калегамі і выказаў падзяку за забеспячэнне бяспекі на тэрыторыі індустрыяльнага парка", — адзначаецца ў паведамленні МУС.
Аляксей Арэшка,
БелаПАНМінск, 23 студзеня 2019
