У час фестывалю пройдуць спаборніцтвы па робататэхніцы сярод школьнікаў і вучняў адукацыйных цэнтраў, майстар-класы і навукова-папулярныя лекцыі, а таксама забаўляльнае шоу.

Усе тры дні мерапрыемства будзе працаваць выстаўка прамысловых робатаў і мабільнай робататэхнікі, якая павінна зацікавіць не толькі навічкоў, але і прафесіяналаў.

Для першых выстаўка можа стаць паспяховым стартам на шляху да пошуку інвестараў і рэалізацыі свайго праекта ў прамысловых маштабах.

Для другіх гэта выдатная магчымасць прадэманстраваць сваю прадукцыю ў рамках унікальнай экспазіцыі тэхналогій.

Для ўдзелу ў выстаўцы ў якасці экспанента трэба пакінуць заяўку.

Чакаецца, што на пляцоўцы фестывалю збяруцца школьнікі і студэнты, ІТ-прадпрымальнікі, эксперты.

Наведаць мерапрыемства ў якасці госця або ўдзельніка любы жадаючы зможа бясплатна.

11 жніўня 2016, Мінск
БЕЛТА