Савет Еўразійскай эканамічнай камісіі (ЕЭК) зацвердзіў новую метадалогію разліку дазволенага ўзроўню мер дзяржаўнай падтрымкі сельскай гаспадаркі, што аказваюць негатыўнае ўздзеянне на ўзаемны гандаль дзяржаў - членаў Еўразійскага эканамічнага саюза (ЕАЭС) сельскагаспадарчымі таварамі, а таксама формы паведамленняў аб дзяржпадтрымцы сельскай гаспадаркі.

"Распрацаваная на аснове міжнароднага вопыту метадалогія накіравана на забеспячэнне справядлівай канкурэнцыі сельскагаспадарчых таваравытворцаў ЕАЭС на агульным аграрным рынку", - адзначылі ў прэс-службе.

Зацверджаныя дакументы вызначаюць фармат і падыходы да ўстанаўлення для дзяржаў - членаў ЕАЭС абавязацельстваў у галіне дзяржаўнай падтрымкі сельскай гаспадаркі па мерах, што негатыўна ўплываюць на ўзаемны гандаль, ацэнцы выканання такіх абавязацельстваў, а таксама канкрэтызуюць парадак разліку асобных паказчыкаў падтрымкі.

"Прыняцце метадалогіі забяспечвае саюзу ўніфікаваны (адзіны) разлік аб`ёму і ўзроўню мер дзяржпадтрымкі сельскай гаспадаркі, - падкрэслілі ў ЕЭК. - Формы паведамленняў аналагічныя прымяняльным у рамках Сусветнай гандлёвай арганізацыі і забяспечваюць супастаўнасць прадастаўляемых дзяржавамі - членамі даных аб дзяржаўнай падтрымцы галіны".

19 кастрычніка 2016, Масква
Эдуард Півавар - БЕЛТА