У Крыме 24 сакавіка пачынаецца афіцыйнае абарачэнне расійскага рубля.

Згодна з законам аб далучэнні Крыма да Расіі, грашовай адзінкай Рэспублікі Крым і горада Севастопаля становіцца расійскі рубель: зарплаты, пенсіі і стыпендыі будуць выплачвацца ўжо ў рублях, паступова расійская валюта павінна выцесніць украінскую. Старшыня Банка Крыма Мікалай Барылюк раней паведаміў, што ўкраінская грыўня, разлікі ў якой можна будзе праводзіць у наяўнай і безнаяўнай формах, адначасова будзе выкарыстоўвацца ў Крыме да 1 студзеня 2016 года.

Раней з`явілася інфармацыя аб тым, што некаторыя ўстановы Севастопаля, уключаючы атэлі і рэстараны, пачалі ўжо прымаць да аплаты рублі, не чакаючы 24 сакавіка. У магазінах Крыма сталі з`яўляцца двайныя цэннікі, аднак такія цэннікі пакуль устаноўлены ў асноўным на таварах, цана якіх перавышае 1000 грыўняў.

Таксама паведамляецца, што для шэрага магазінаў пераход на разлікі ў дзвюх валютах можа зацягнуцца з-за неабходнасці перанастройваць касавыя апараты.

24 сакавіка 2014, Мінск
БЕЛТА