Мурат Нуртлеу падкрэсліў, што нашы краіны звязаны шматгадовымі вузамі дружбы. "Нягледзячы на няпростую сітуацыю ў свеце, стратэгічнае партнёрства паспяхова развіваецца", - сказаў ён.

Паводле слоў госця з Казахстана, гэтаму садзейнічаюць сустрэчы на вышэйшым і высокім узроўнях.

Ён нагадаў аб праведзеных раней змястоўных перагаворах на вышэйшым узроўні ў Казахстане, на якіх абмеркаваны актуальныя пытанні двухбаковага супрацоўніцтва. Міністр замежных спраў звярнуў увагу на важнасць развіцця міжпарламенцкіх кантактаў і сустрэч спікераў парламентаў, што садзейнічаюць актывізацыі беларуска-казахстанскіх кантактаў. Ён таксама лічыць эфектыўнымі сувязі на ўзроўні міністэрстваў замежных спраў і ўзаемадзеянне ў рамках інтэграцыйных аб`яднанняў.

"Мы пачалі з вамі ўзаемадзейнічаць на палях ШАС і падтрымліваем жаданне Беларусі далучыцца да Шанхайскай арганізацыі супрацоўніцтва. Мы будзем падтрымліваць ініцыятывы Мінска", - заявіў кіраўнік МЗС Казахстана.

Акрамя таго, міністр назваў паступальным развіццё гандлёва-эканамічнага супрацоўніцтва паміж Беларуссю і Казахстанам.

19 чэрвеня 2023, Мінск
БЕЛТА