https://www.kurs.kz/ - Курсы валют в обменных пунктах г. Алматы и других городах Казахстана
 


 


Найти
 
 


На фестывалі казахстанскага кіно бясплатна пакажуць 7 карцін на рускай мове


На фестывалі казахстанскага кіно ў Мінску з 18 па 20 кастрычніка прадставяць сем карцін на рускай мове, паведамілі ў пасольстве Казахстана ў Беларусі.
У час кінафоруму пакажуць сем работ казахстанскіх кінематаграфістаў у розных жанрах на рускай мове.

"Фестываль адкрыецца карцінай "Амрэ", якая раскажа аб яркім, але кароткім і таямніча спыненым жыцці казахскага самародка - драматычнага тэнара Амрэ Кашаўбаева, - адзначылі ў пасольстве. - У другі і трэці дні будуць прадстаўлены такія фільмы, як "Казахскае ханства. Алмазны меч" рэжысёра Рустэма Абдрашова, "Дарога да маці" Акана Сатаева, "Сказ аб ружовым зайцу" Фархата Шарыпава, "Шал" (стары) і "Кінамеханік" Ермека Турсунава". Для самых юных гледачоў падрыхтавалі мультфільм "Музбалак", што ў перакладзе азначае "малады беркут".

Акрамя таго, у час кінафестывалю будуць праведзены майстар-класы і віктарыны аб казахскай культуры і побыце з прыемнымі сюрпрызамі.

"Трэба адзначыць, што Дні казахстанскага кіно ў Мінску прымеркаваны да маючага адбыцца афіцыйнага візіту Прэзідэнта Беларусі ў Казахстан і, несумненна стануць адным з пацвярджэнняў дружалюбных узаемаадносін паміж нашымі краінамі", - паведамілі ў пасольстве. Уваход на ўсе сеансы свабодны.

14 кастрычніка 2019, Мінск
БЕЛТА
 
Дата публикации:14.10.2019
Тематика:Культура, Казахстан
Просмотров:36
 
Ключевые слова:
Мінск Дни казахстанского кино Фэст культуры
 
 


Комментарии



 



Другие новости по этой теме