Курс валютпокупкапродажа
USD364.35366.58
EUR419.22422.5
RUR5.575.63
www.kurs.kz
 


 



Найти
 
 


Узровень зарэгістраванага беспрацоўя ў Беларусі знізіўся да гістарычнага мінімуму


Узровень зарэгістраванага беспрацоўя на 1 кастрычніка склаў 0,3% і ў параўнанні з такой жа датай 2017 года знізіўся на 0,3 працэнтнага пункта, паведамляе Міністэрства працы і сацыяльнай абароны. Гэта з`яўляецца гістарычным мінімумам.
У Брэсцкай і Віцебскай абласцях гэты паказчык склаў 0,5%; у Гомельскай, Гродзенскай і Магілёўскай — 0,4%; у Мінскай вобласці — 0,3%; у Мінску — 0,1%.

На ўліку ў якасці беспрацоўных на 1 кастрычніка стаяла 15 тыс. чалавек, што на 45,1% менш, чым на 1 кастрычніка 2017 года (27,3 тыс. чалавек).

Наймальнікамі на 1 кастрычніка заяўлены звесткі аб наяўнасці 79,2 тыс. свабодных працоўных месцаў, што на 42,8% больш, чым на аналагічную дату мінулага года (55,5 тыс.). Попыт на работнікаў па рабочых прафесіях склаў 65,4% ад агульнай колькасці вакансій супраць 60,3% на 1 кастрычніка 2017 года.

Каэфіцыент напружанасці на рынку працы на 1 кастрычніка склаў 0,2 беспрацоўнага на адну вакансію (на 1 кастрычніка 2017 года — 0,5). Пры гэтым у Брэсцкай і Віцебскай абласцях гэты паказчык склаў 0,3 беспрацоўнага на вакансію; Гомельскай, Гродзенскай, Мінскай і Магілёўскай абласцях — 0,2; у Мінску — 0,1.

У студзені—верасні па садзейнічанне ў працаўладкаванні звярнулася 159,5 тыс. чалавек, з якіх пастаўлена на ўлік у якасці беспрацоўных 89,5 тыс. У рамках рэалізацыі падпраграмы "Садзейнічанне занятасці насельніцтва" Дзяржаўнай праграмы аб сацыяльнай абароне і садзейнічанні занятасці насельніцтва на 2016— 2020 гады ў студзені—жніўні на створаныя працоўныя месцы і наяўныя вакансіі пры садзейнічанні службы занятасці на пастаянную працу ўладкавана 118,2 тыс. чалавек, або 74,1% ад тых, хто звярнуўся па дапамогу ў працаўладкаванні, з іх 66,1 тыс. беспрацоўных; на навучанне па прафесіях, запатрабаваных на рынку працы, накіравана 5,8 тыс. чалавек; у грамадскіх работах, якія аплачваюцца, пры садзейнічанні службы занятасці прынялі ўдзел 32,4 тыс. чалавек; на новае месца жыхарства і працы пераселена 118 сем`яў беспрацоўных.

Паводле звестак Белстата, у другім квартале 2018 года фактычнае беспрацоўе ў Беларусі склала 4,7%, або 239,1 тыс. чалавек.

Аляксей Аляксандраў, БелаПАН
Мінск, 10 кастрычніка 2018
 
Дата публикации:10.10.2018
Тематика:Бизнес, Экономика
Просмотров:36
 
Ключевые слова:
Рынок труда Безработица Статистика
 
 


Комментарии



 



Другие новости по этой теме