Узначальвае дэлегацыю дырэктар АТ "Нацыянальнае агенцтва па экспарце і інвестыцыях Kaznex Invest" Аскар Арынаў. 

У межах візіту 3 верасня ў гасцініцы "Рэнесанс" (Мінск) запланаваны бізнес-форум "Беларусь — Казахстан" і кантактна-кааперацыйная біржа. У межах гэтых мерапрыемстваў беларускія кампаніі будуць мець магчымасць правесці перамовы з прадстаўнікамі 15 казахстанскіх кампаній па наступных кірунках: машынабудаванне, фармацэўтыка, харчовая і хімічная прамысловасць, будаўніцтва і іншыя. 

"Казахстанскія дзелавыя колы зацікаўленыя ў сустрэчы з вытворцамі і патэнцыяльнымі спажыўцамі, інвеставанні, пошуку партнёраў, даследаванні рынку і ўстанаўленні розных форм узаемавыгаднага супрацоўніцтва", — адзначылі ў БелГПП.

Марына Носава, БелаПАН
Мінск, 2 верасня 2015