Парламенцкая дэлегацыя Інданезіі на чале са спікерам Савета рэгіянальных прадстаўнікоў Народнай кансультатыўнай асамблеі Інданезіі Ірманам Гусманам 24-26 мая наведае з афіцыйным візітам Беларусь. 

Візіт афіцыйнай дэлегацыі адбудзецца па запрашэнні Савета Рэспублікі. Праграмай візіту прадугледжаны сустрэчы кіраўніка дэлегацыі са старшынёй Савета Рэспублікі Міхаілам Мясніковічам, старшынёй Палаты прадстаўнікоў Уладзімірам Андрэйчанкам, прэм`ер-міністрам Беларусі Андрэем Кабяковым.

Акрамя таго, запланавана наведванне шэрага прадпрыемстваў, сацыяльна значных і гісторыка-культурных аб`ектаў.

22 мая 2015, Мінск
БЕЛТА