Беларусь накіравала ў студзені-верасні $8,8 млрд на абслугоўванне валавога знешняга доўгу (без уліку гандлёвых крэдытаў і кароткатэрміновых абавязацельстваў банкаў). 

Плацяжы па асноўным доўгу склалі $7,7 млрд, па працэнтах - $1,1 млрд. Валавы знешні доўг па ўсіх сектарах эканомікі на 1 кастрычніка склаў $40 млрд 571,4 млн. У параўнанні з данымі на 1 ліпеня ён зменшыўся на $230,4 млн і павялічыўся на $950,3 млн да пачатку года.

Знешні доўг органаў дзяржаўнага кіравання за дзевяць месяцаў склаўся на ўзроўні $13,6 млрд. На яго абслугоўванне за гэты час патрачана $4,3 млрд. У параўнанні з 1 ліпеня ён скараціўся на $325,8 млн, а да пачатку года вырас - на $574,3 млн.

Валавы знешні доўг у адрозненне ад знешняга дзяржаўнага доўгу, які ўключае толькі абавязацельствы ўрада перад нерэзідэнтамі, ахоплівае фінансавыя абавязацельствы перад нерэзідэнтамі ўсіх рэзідэнтаў краіны.

15 снежня 2014, Мінск
БЕЛТА